"Fréttavefurinn bb.is er með frétt um sukk sjávarútvegsráðherra kring um byggðakvóta:

"Sjávarútvegsráðherra var óheimilt að framlengja úthlutunartímabil byggðakvóta fiskveiðiársins 2006-2007 til 31. desember 2007 - og þar með inn á nýtt fiskveiðiár - með útgáfu sérstakrar reglugerðar. Ákvörðunin átti sér ekki lagastoð og var því brot á lögmætisreglunni. Þetta kemur fram í nýlegu áliti umboðsmanns Alþingis.

Það er merkilegt hvað þetta byggðakvótamál er eitt stórfellt klúður í sjávarútvegsráðuneytinu - ár eftir ár - árum saman og enginn klúðrari gerður ábyrgur fyrir ruglinu hvað þá að þeim væru boðnar skaðabætur sem hafa misst aleiguna vegna stórfelldra mistaka vegna þess að sjávarútvegsráðuneytið hefur látið afskiptalaus stórfellt misferli með byggðakvóta - (eins og annan kvóta)

og einnig látið afskiptalaust (tekið þátt í?) "byggðakvótasvindl" .... að aflaheimildir virðast hafa verið vísvitandi verið "vistaðar" rangt í opinberum skráningum aflaheimilda - til að "spila á kerfið" sbr. greinargerð neðst í þessari færslu....til þess að koma í veg fyrir að þau byggðalög sem misstu  aflaheimildir - fengju smá leiðréttingar skv. gildandi lögum um byggðakvóta - en markmið þeirra laga var að bæta þeim byggðarlögum aflaheimildir sem misstu miklar aflaheimildir - og voru mjög háð sjávarútvegi sem atvinnustarfsemi.

Sjávarútvegsráðuneytið trassaði árlega - árum saman -  úthlutun byggðakvóta  svo það dróst í meira en ár  í einhverju tilvikunum að  úthluta aflaheimildum  í byggðakvóta -  og því var gefin út reglugerð um að "færa óúthlutuðum byggðakvóta yfir á næsta ár"... - og það er sú reglugerð er það sem umboðsmaður Alþingis  gerir athugasemd við...  

Byggðakvóta var ætlað upphaflega ætlað að koma til móts við þau byggðarlög sem misstu miklar aflaheimildir í kvótabraskinu.

En einhverjir "draugar" innan og utan sjávarútvegsráðuneytisins virtust stjórna ferðinni og komast ár eftir ár, upp með að láta úthlutun fara þannig fram að  það myndi valda sem mestum illindum og botnlausri úlfúð í þeim byggðarlögum sem áttu lagalegan rétt á "skaðabótum" þar sem þau byggðarlög höfðu í sumum tilfellum verið svipt 50% af lífsbjörginni..

Það heyrist hljóð úr horni á SV horninu - ef 50% grunn-atvinnustarfsemi yrði rústuð einhverja nóttina!! En á þeim "gullaldarárum" þegar bankakerfið var að "spila upp" verð aflaheimilda með góðfúslegri aðstoð nokkurra kvótabraskara - þá var þetta túlkað sem "mikilvæg og sjálfsögð hagræðing" ...

en nú hefur  þessi meinta  "hagræðing" breyst í yfirveðsettar aflaheimildir.

Ekki nóg með það heldur virðist svo sem þessi misnotkun aflaheimilda hafi gengt lykilhlutverki í keðjuverkandi braski innan bankakerfisins þar sem "arður" af seldum aflaheimildum var notaður til að tjúnna upp verð fasteigna og hlutabréfa  - og öll hrundi svo bólan - og "hagræðingin" stökkbreyttist í skelfilegt bankahrun.

Grófleg misnotkun bankakerfisins á aflaheimildum virðist mér hafa verið mun stærri orsakavaldur að bankahruni þjóðarinnar -  og  því eru ískaldar staðreyndir um afleiðingar  af þessari "hagræðingu" á kostnað sjávarbyggða - nú fyrst að koma fram... og er þá mikið ósagt...... 

Það tókst einmitt sérlega oft svo "vel til" að gera  "allt vitlaust" í mörgum byggðarlögum - ár eftir ár -  með því að draga á langinn - hræra fram og aftur í reglum um úthlutun byggðakvóta - hugsanlega til að koma sem mestu óorði á byggðakvótann....??...

eða var þetta eitt ráð "drauganna" til að "flýta fyrir eðlilegri hagræðingu aflaheimilda".... ??? 

Á Bakkafirði er til dæmi um hörmulegar afleiðingar af slíkri "hagræðingu með afleiddu "byggðakvótasvindli" þar sem sjávarútvegsráðuneytið gerir ekkert með faglegar athugasemdir sveitarstjórnar lítils byggðarlags um ranga "vistun" aflaheimilda -  að því er virðist til að minnka  sem mest - úthlutun byggðakvóta til Bakkafjarðar.... af hverju - og til hvers?

Í stuttu máli - þá tókst þetta "byggðakvótasvindl" sjávarútvegsráðuneytisins afar vel á Bakkafirði og dugði til að stórskaða byggðarlagið og magna upp innbyrðis átök íbúa,  sem lentu í því að kenna hver örðum um  ófarirnar - í stað þess að ráðast að kjarna málsins - draugana sem stjórnuðu sjávarútvegsráðuneytinu - hverjir svo sem þeir "draugar" eru.

Regula lögmannsstofa tók saman greinargerð fyrir sveitarfélagið Skeggjastaðahrepp um "byggðakvótasvindlið" á Bakkafirði og skrifuð voru ótal bréf veð óskir um leiðréttingu - sem engin fékkst og blómleg atvinnustarfsemi hrundi þar með í rúst.

Þeir sem nenna að kynna sér faglega úttekt á "byggðakvótasvindli" geta lesið greinargerð Regula lögmannsstofu hér    en engar leiðréttingar fengust  á þeim málefnum sem fram koma í greinargerðinni...